1300 licenzas concedidas nunhas horas para sortear a suspensión provisional das normas urbanísticas subsidiarias (que consentían a construcción de mais de 5000 vivendas) decretada pola Xunta. Reacción do alcalde de resistencia ante os requerimentos da Xunta de suspender as licenzas e ante o seu propio partido, PSOE (ameaza de crear candidatura independente). Intereses económicos do rexidor nas operacións urbanísticas. Antecedentes de actuacións urbanísticas polémicas e incluso ao filo da legalidade. É a radiografía de moitas poboacións da costa galega . Pode ser tamén a de Ortigueira: Poucas horas (non meses, nin anos) lles chegan a uns cantos especuladores irresponsables para destrozar unha vila
O mais preocupante: A incapacidade legal da administración autonómica para suspender decisións municipais en casos coma este de flagrante desvergonza. A intranquilizante falta de decisión política para atallar estas situacións. As mornas medidas adoptadas para rexeitar de unha vez e definitivamente este modelo de crecemento urbanístico aberrante e alarmante denunciado pola ONU, e multitud de organismos públicos e privados.