O Concello de Ortigueira recibe a felicitación da Real Academia Galega de Belas Artes Nuestra Señora del Rosario pola súa labor na conservación do patrimonio cultural da localidade. O intercambio de parabéns entre institucións é a mais recente modalidade de autobombo, debilidade específica do noso alcalde con calquera motivo e ocasión. Pero non podemos menos que lamentar que unha institución pública, incluso ésta Academia de descoñecida función social, poida prestarse a este mercadeo propagandístico. Pero ademais de estas consideracións parécenos inxustificable recoñecer unha labor que os propios cidadáns consideran a peor das desfeitas. Na carta de felicitacións louvanse como encomiables as reformas dos xardíns do malecón e do Cantón , que non poden ser mais desafortunadas. Non considera esta pouco imparcial Academia que, en particular eses lugares, eran unha parte do patrimonio que se atopaba en perfectas condicións de conservación e, pola contra, tras sometelos ás actuacións do Concello necesitan unha urxente restauración. O mesmo se podería dicir de outras intervencións memorables como a degradación da capela de Soutomouro, o asfaltado do adro da igrexa de Devesos, e outras das que iremos dando conta nesta páxina. Das actuacións do Concello en materia de conservación do patrimonio cabe destacar de forma xenérica o empeño posto en alterar a fisionomía dos lugares, cando non en deformalos completamente até facelos irrecoñecibles. A esto poderíaselle chamar calquera cousa menos conservación.