OS SEN VOZ DE GALICIA
Queremos manifestar a nosa simpatía con este colectivo de Ferrol que reúne asociacións veciñais e ecoloxistas que teñen en común o profundo malestar que lles causa o sistemático silenciamento que o xornal La Voz de Galicia fai da realidade da súa cidade. A sua intención é promover unha campaña de denuncia contra a desinformación planificada deste grupo editorial que ignora todas aquelas novas que prexudican aos grupos políticos e gobernos municipais aos que pretende protexer e cos que mantén unha relación de recíproca colaboración. Non somos alleos en Ortigueira a esta política editorial pola que o goberno municipal de Antonio Campo ven de premiar ao director do diario, Santiago Rey Fernández Latorre coa distinción de Fillo Adoptivo da vila. Como contrapartida o rexedor municipal vai seguer mantendo como ata agora o control absoluto da información que nese diario se publique acerca do concello. Pola nosa parte rexeitamos nomeadamente a complicidade dun medio de comunicación coa administracción co fin de manipular a información subverténdoa en propaganda dos grupos políticos, denunciamos o uso das institucións públicas para exercer calquera tipo de control e censura e xulgamos indignos de credibilidade aos medios como La Voz de Galicia dependentes deste tráfico.
meneame.net referenció
censura en la voz de galicia
Colectivo que se moviliza por una prensa indepediente
24 Marzo 2007 | 10:15 PM