CONVOCADA UNHA MANIFESTACIÓN O DIA 6 DE MAIO EN SANTIAGO
O pasado sábado na xuntanza de grupos ecoloxistase plataformas veciñais celebrada en Compostela, a práctica totalidade de organizacións presentes decidimos convocar unha manifestación o día 6 de maio, tamén en Santiago de Compostela que sirva para amosar a nosa repulsa pola degradación do territorio, un feito que ameaza á propia identidade de Galiza. Coincidíuse na necesidade de celebrar este acto reivindicativo e de denuncia dado o estado de deterioro no que se atopa o territorio galego, tanto o litoral como o interior. Se o primeiro está ameazado pola construción e as piscifactorias, non o está menos o interior, que sufre espoliación mineira como o Courel e a Terra Cha. Sen esquecer o deterioro dos cascos históricos, a destrución do patrimonio arquitectónico, a desaparición dos espazos públicos e zonas verdes, e a edificación masiva derivada da especulación depredadora da paisaxe. Existe unha grande sensibilidade social sobre as consecuencias irreversibeis que acarrea o descontrol das actuacións urbanísticas e a impunidade dos empresarios e alcaldes que os apoian. Temos agora a posibilidade de poñer freo á cementación de Galiza, de salvagardar o noso patrimonio natural, que é o mesmo que dicir o noso futuro. A nosa mobilización quedará reforzada pola convocada a nivel estatal para o dia 5 de maio para protestar polo urbanismo actual.
Entre os asistentes estabamos: Plataforma veciñal contra a piscifactoria de Baroña, Plataforma Quilmas, Amigos da Terra, Verdegaia, Fusquenlla, Salvemos Monteferro, Luita Verde, Ortigueira Sostible, Greenpeace, Foro Social de Cangas, Comisiao reunificasao GZ-Portugal, Plataforma Ártabra 21, Sociedade Galega de Historia Natural,
A Federación ecoloxista galega escusou a súa asistencia por mor da asemblea que estaban a celebrar, pero amosou o seu apoio.
santiago dijo
No puedo estar de acuerdo con lo de la expoliación minera que "sufre" Galicia. La minería es una fuente de riqueza. Corresponde al regulador, en este caso la Xunta, que la explotación se haga de acuerdo con las normas de protección del medio ambiente. Los países de nuestro entorno (Francia, Alemania, etc) tienen muchas explotaciones mineras. Las que he visto son respetuosas con el medio ambiente y poca gente habla de expolio.
Supongo que lo mismo pasa con las piscifactorías, pero en eso no tengo experiencia.
No caigamos en una "sostenibildad" que impida que la gente tenga trabajo y pueda vivir dignamente. No sería creíble.
4 Abril 2007 | 11:32 AM