SEN INFORME DE PATRIMONIO
A promoción de 67 vivendas que ten a inmobiliaria Os Celtas no paseo Barro Soto carece do informe de impacto ambiental que esixe a normativa municipal. Ortigueira Sostible confirmou que a promotora obtivo a licenza sen dar cumprimento ao establecido no artigo 291 das Normas Subsidiarias do Planeamento Urbanístico do Concello de Ortigueira. As vivendas pretenden construírse nunha parcela clasificada como urbana de Núcleo Lineal pegada a unha zona de protección patrimonial onde se atopa o Castro do Campo da Torre incluído no Inventario do Patrimonio Histórico Artístico da Provincia da Coruña. O citado artigo di que “No caso dos castros a zona de protección non edificable será de 100 metros contados a partir do perímetro existente ou suposto. Haberá tamén unha zona de influencia de outros 100 metros contados a partir da zona de proteción onde as construcións poderán permitirse previo estudio sobre impacto ambiental en relación co castro.” A Dirección Xeral de Patrimonio, de conformidade co previsto na Lei do Patrimonio de Galiza, xa que ten coñecemento destes feitos debe levar a cabo as comprobacións necesarias e adoptar as medidas preceptivas en defensa do Patrimonio que é de todos.
Antón dijo
Encántame este blog!. Cóntanos máis cousas nuha soa páxina que "La Coz de Galicia" en todo o ano. Pero xa caerán! Ben é sabido que se pode morrer de éxito e D. Santiago Fdez. (del Campo) la Torre está facendo todo o posibel para que iso ocorra.
Ao fio desta nova permítaseme unha puntada humorística, por non chorar.
¿QUE OUTRA INMOBILIARIA QUE NON FORAN "OS CELTAS" PODÍA URBANIZAR UN CASTRO?
-Mira que son tozudos estos romanos, Asterix!
13 Abril 2007 | 09:38 PM