SEN NOVAS DE PATRIMONIO

“Xa que os bens culturais teñen valor de testemuña histórica e de civilización, os propietarios e as diversas administracións deben preservar ese interese xeral que é o noso patrimonio histórico. No exercicio dese cometido estes entes públicos precisan a colaboración das institucións e, sobretodo dos cidadáns, no coidado, defensa, protección, conservación e custodiade tódolos bens que forman parte do noso patrimonio cultural”

Así anima a Dirección Xeral de Patrimonio á cidadanía a contribuir á defensa do patrimonio de Galicia. A tal efecto a entidade pública está a invertir moitos medios, nomeadamente en publicidade para dar a coñecer este patrimonio e crear conciencia sobre o seu valor.

Pero ahí queda todo. Porque os cidadáns concienciados na responsabilidade de velar polo legado histórico que adopten unha actitude de defensa activa deste, van atopar unha maquinaria institucional opaca, lenta, burocratizada e entregada intereses alleos ao seu cometido, e deberán bregar porque se faiga efectivo o dereito á información e a unha xestión transparente. A defensa que se promove do patrimonio non inclue polo visto dar resposta ás denuncias cidadáns ante agresións ben documentadas aos bens protexidos como o escrito presentado á Dirección xeral de Patrimonio para demandar medidas de protección para o castro do Campo da Torre.

Temos a sospeita por isto de que o cometido desta esta campaña non é outro que substituir o disfrute do patrimonio real pola contemplación dese outro patrimonio virtual, perfecto na sua integridade, creado para propaganda autocompracente mentras o outro se entrega en mans dos especuladores.

servido por ortigueira 3 comentarios compártelo