Turismo depredador: No mundo uns 500 millóns de persoas viaxan cada ano a destinos moi localizados (principais cidades, parques nacionais e reservas de animais salvaxes, monumentos e zonas costeiras). Nas próximas duas décadas se espera que o número de viaxeiros supere os 1.000 millóns. O turismo como primeiro sector da economia española en continuo aumento comeza a presentar unha problemática cada vez máis clara. Millerios de coches saíndo das vilas e cidades provocando atascos, contaminación, estrés..., ao que hai que sumarlle o impacto no lugar de destino. A construcción de hoteis, autovías, piscinas, campos de golf, etc. no litoral enfocado a un turismo de sol e praia que alén do seu impacto paisaxístico e sobre a distribución do territorio afecta gravemente á biodiversidade (sobre explotación da pesca) ou ao esgotamento da auga. Exemplos galegos destes impactos son a marbellización do Morrazo, Sanxenxo, a escaseza de de auga no concello de Miño, campos de golf en Nigrán, etc. Por outra banda, o desenvolvemento incontrolado de turismo de masas, pode provocar a saturación de certas áreas e que estas deixen de ter o interese que mostraron no seu momento, o que non so é unha amenaza para o medio se non que se traduce nun fracaso económico.

Fomentar un turismo de calidade e planificado en base a un territorio tan heteroxéneo como é o galego, na liña do ecoturismo é un traballo fundamental que temos que demandar das administracións para garantir que o noso patrimonio natural, cultural e social, non se vexa dilapidado.

Establecer cal é a “capacidade de carga” que un lugar pode asumir, é necesario antes de levar adiante calqueira proxecto turístico. Establecer o número máximo de visitantes que o lugar pode tolerar, e non sobrepasalo ten que ser unha das prioridades que se debén de marcar dende as administracións competentes.

Enlace ADEGA fai propostas para un turismo ecolóxico