A VIDA NAS ALDEAS
“No tocante ao rural, seguimos entre a ideoloxía da maquinaria pesada e o quilovatio, a barbarie progresista, e a procura romántica do ser nacional embaixo da boina dos paisanos, do Santo Grial no rabo dunha vaca.
Miseira mental e política (ou prepolítica). Populismo, clientelismo, anarco-capitalismo, simple desleixo, delincuencia pura e dura... Non hai trapallada que non atope aquí a súa patria.”
A revista Arraianos adica monográficamente o seu número de xaneiro ao rural: os caciques, as aldeas abandonadas, as perspectivas económicas. No seu editorial Quén anda aí? o director da revista declara a intención no monográfico de facer unha reflexión, “tras o brutal depoboamento e deterioro do rural nos últimos anos”, sobre o que queda de vida nas aldeas.
