Ortigueira Sostible ten invitado aos técnicos do servizo de urbanismo da Consellería de Política Territorial dende fai seis meses, concretamente para que revisen a licenza concedida polo actual alcalde ao irmán do anterior rexedor para construír unha urbanización (Parquemar) en zona de protección dun castro, parcela non urbanizable segundo a lexislación vixente e sobre a que Patrimonio ten aberto xa un expediente sancionador. A Consellería , cumpridos os prazos en que deberían ter dado unha resposta, parece ter optado por amparar a controvertida licenza co silencio ao que se acolle á administración no exercicio da arbitrariedade ou do desleixo.

Supoñemos que aclarar este punto non forma parte das intencións do alcalde ao facer unha invitación á Conselleira Caride para que visite a nosa localidade que publica na web do Concello. Concretamente para que comprometa os prazos para a construcción da VAC, que no seu momento o goberno do que formaba parte Rafael Girón como concelleiro de obras, considerou unha infraestructura pouco urxente e incluso innecesaria. Nos tamén queremos facerlle unha invitación formal á Conselleira, non fai falta nin que veña ( agora mesmo supoñemos que terá que facer moito traballo electoral para o seu partido), para que demostre simplemente que o seu departamento non declina as funcións de control que ten atribuídas.