PSOE, BNG E ORTIGUEIRA SOSTIBLE DENUNCIAN CONXUNTAMENTE AS IRREGULARIDADES URBANÍSTICAS DO CAMPO DA TORRE
COMUNICADO REMITIDO AOS XORNAIS EN NOTA DE PRENSA POLOS GRUPOS MUNICIPAIS PSOE, BNG E A PLATAFORMA ORTIGUEIRA SOSTIBLE
O Campo da Torre é un elemento emblemático que confire caracter singular á paisaxe de Ortigueira e forma parte dela como constante na súa dilatada historia. O seu interese arqueolóxico se recoñece no catálogo de bens patrimoniais do planeamento de Ortigueira, do que deriva a súa protección pola Lei do Patrimonio de Galicia. O anterior alcalde tentou o seu recoñecemento como Ben de Interese Cultural (BIC) coa finalidade exclusiva de xustificar a súa expropiación en favor da fundación Ortegalia que entón tamén presidía. Consumada a expropiación e a ocupación urxente do lugar, o Concello e a Fundación encargada da súa custodia amosaron o maior desleixo pola súa protección, realizando intervencións incompatibles coa conservación do espacio e reducindo a mera formalidade o estudio arqueolóxico obrigado para facelas. Pero a mais grave evidencia deste desinterese polo valor histórico do Campo da Torre e dos espurios motivos que houbo detrás da súa expropiación, foi a concesión no ano 2006 dunha licenza para a construcción de 67 vivendas na zona inmediata aos restos do castro para a empresa de promocións inmobiliarias administrada, entre outros, por un irmán do agora ex alcalde. A devandita licenza incumpre a normativa urbanística de Ortigueira por atoparse na zona de protección do castro, o que obriga en aplicación da Lei do Patrimonio de Galicia a solicitar un informe á Dirección Xeral de Patrimonio. Pero ademais vulnera gravemente o artigo 291 da normativa municipal,que prohibe expresamente calquera tipo de construcción no contorno de 100 metros arredor dunha zona arqueolóxica catalogada .
Estas infraccións foron postas en coñecemento da Dirección Xeral de Patrimonio e da Dirección Xeral de Urbanismo en xuño do 2007 por ADEGA e o colectivo Ortigueira Sostible. En maio do 2008 a Dirección Xeral de Patrimonio resolveu o expediente sancionador incoado uns meses antes, impoñendo ao Concello unha sanción de 24.000 euros e a restitución da legalidade urbanística. Pola súa banda a Dirección Xeral de Urbanismo, superando os prazos previstos pola lei, non se ten pronunciado sobre este asunto.
Os grupos municipais, PSOE e BNG, conxuntamente con Ortigueira Sostible manifestamos o noso rexeitamento cara a estas actuacións irrespectuosas coas leis tanto como co Patrimonio e que teñen producido neste, danos estimados pola DX como moi graves, irreversibles e irrecuperables. Así mesmo esiximos a Urbanismo a revisión da licenza que ampara as devanditas transgresións da normativa municipal e a adopción das medidas necesarias para que sexa restituída a legalidade urbanística. Por último, consideramos que é obriga do goberno municipal determinar as responsabilidades en que teñen incorrido os técnicos que informaron favorablemente a licenza obxecto de sanción económica por parte da Administración, que de ningún xeito debe recaer sobre os contribuíntes.
anabel dijo
En realidad la oposición de Ortigueira no existe, parecía que el remozamiento del BNG y del PSOE nos traería nuevos aires en el concello pero bien pronto se acostumbraron al sillón de concejales y son como los anteriores, nos demostraron, tanto Raquel como María del Mar que lo suyo era conseguir el poder, la vara municipal, y como no llegaron a eso abandonaron el barco y con ellas una buena parte de sus compañeros de candidatura. Quedan 2 años para las próximas elecciones y me temo que pasará otro tanto de lo mismo asi que espero que al menos el PP cambie a algunos de sus actuales concejales para que no tengamos que soportar los aires de grandeza de la de Cultura y su amantísimo esposo, este par se creen tener no se que cualidades distintas a los demás y van por la vida menospreciando, ninguneando y manejando la concejalía de Cultura a su antojo, y lo que es peor: convirtiendo el festival celta en un evento particular donde si no eres amigo, amante o familiar no tienes derecho a tomar una copa libremente en cualquier bar o cafetería del pueblo, ellos si, acotan el meor establecimiento hostelero de la Villa y con el dinero de todos los contribuyentes se hartan de tomar licores caros ellos y toda su corte de amistades
25 Julio 2009 | 12:14 AM