Unha vez mais saímos á rúa. Os 57 colectivos que constituímos GALIZA NON SE VENDE convocamos a toda a cidadanía para manifestarnos contra a sistemática desfeita do territorio:

- Contra a destrucción da paisaxe, do Patrimonio cultural, dos recursos naturais e a biodiversidade

- Contra a “marbellización” do litoral e o urbanismo salvaxe,

- Contra os parques eólicos, os encoros, as piscifactorías, os portos deportivos e os campos de golf indiscriminados

- Contra a falta de planificación e irracionalidade das infraestructuras de transporte, os polígonos industriais, os recheos, os paseos marítimos e fluviais de formigón.

- Contra a contaminación das rías, a eucaliptización, os cultivos transxénicos, as actividades industriais contaminantes e perigosas e as canteiras devastadoras.

- Contra o abandono e a destrucción do rural

- Contra a falta de respecto polas figuras de protección ambiental e os espazos naturais protexidos.

DOMINGO 15 DE FEBREIRO

NA ALAMEDA ÁS 12:00

ACUDE

DIFUNDE

GOBERNE QUEN GOBERNE

GALIZA NON SE VENDE!