O ECOLOXISMO FAI AS SUAS ACHEGAS AO NOVO GOBERNO. OS ESPECULADORES TAMÉN

Os ecoloxistas póñense a andar. Aínda non comezada a nova lexislatura, madrugadores representantes da Asociación Pola Defensa Ecolóxica de Galicia pediron unha xuntanza co próximo presidente da Xunta para demandar en primeiro lugar que se respecten as conquistas ambientais acadadas nos últimos anos, como a Lei de Defensa dos Ríos ou a paralización das minicentrais. Solicitaron ademais que se prorrogase a moratoria para costruír nos 500 primeiros metros de costa ata que sexa aprobada unha Lei de Protección do Litoral, e que se leve a cabo a proposta de ampliación da Rede Natura e a de Lei da Paisaxe proxectadas polo goberno anterior. ADEGA aportou ademais unha longa serie de propostas para a conservación dos espacios naturais protexidos, para un tratamento de residuos urbanos que supere o modelo SOGAMA, para unha nova políca enerxética que aposte pola eficiencia, o aforro e as enerxías renovables, etc. Entre as medidas específicas os ecoloxistas demándan o traslado de Reganosa fora da ría de Ferrol, un novo Plan Sectorial Eólico, o desmantelamento do complexo ENCE ELNOSA e a declaracion do Parque natural Ancares Courel, do macizo central e a amplaición do Parque Nacional das Illas Atlánticas
Os ecoloxistas manifestaron a súa preocupación de que perante a nova lexislatura se produzca unha involución ambiental e que se novo o medio ambiente sexa obxecto de depredación e especulación salvaxe, en referencia a anterior lexislatura do PP. A sua proposta resúmese na a adopción dun modelo sustentable e un compromiso coa "Administración verde".
A aprensión dos ecoloxistas non é sin motivo. Os especuladores non se quedan atrais nas suas reivindicacións: Alcaldes, promotores inmobiliarios e constructores reuníronse (eles sí xa foron recibidos) con Nuñez Feijoo para apremiarlle a levantar as restriccións na franxa litoral aprobadas polo Executivo saínte. O novo presidente prometeulles xa eliminar "trabas" urbanísticas, tamén na costa, aínda que evitou manifestarse específicamente sobre a moratoria dos 500 metros que expira en maio, pero avanzou que a finais deste ano terá aprobada unha Lei do Litoral distinta a que estaba a elaborar o PSOE. Non resulta moi esperanzador o feito de que considere as actuais restriccións "Un bloqueo de los planes generales de ordenación urbana y muy concretamente en el litoral gallego". Non hai que esquecer tampouco que Feijoo non esperou nin a tomar posesión para declarar a súa intención de recuperar o proxecto de destrucción dun dos mais valiosos e emblemáticos espacios naturais costeiros, O cabo Touriñán, permitindo a Pescanova a instalación dunha mega- piscifactoría de centos de metros cadrados de formigón, que considera compatible cos usos da Rede Natura. Algo me di que os ecoloxistas non imos ter descanso estes catro anos.